Heimkoma

...Og vinir fagna, vorsins undur gerast. Þá verður yndislegt að koma heim...

Háfleygt?

Hvað með:

Seigur er karl við Amors önn
á nú barn í vonum.
Ekki nagar tímans tönn
Tittlinginn á honum.

Hugleiðing dagsins: Mér finnst eins og hárið á mér sé pínulítið farið að þynnast.

Vor í lofti?

Jæja, loksins farið að hlýna hérna í Rokkhólmi. Á að fara í 11 stig í dag. Mér finnst það í góðu lagi.

Helgin var helvíti góð. Byrjað á að hita upp með badmintoni á föstudag þar sem úlnliðurinn var að gera góða hluti (fátt um fína drætti?). Við Haukur sigldum svo í bæinn um kveldið og hittum lögfræðipíur sem heita meira og minna allar Maja.

Nú svo á laugardaginn var það pókerinn hjá Biggzenegger og lifrin látin hafa það óþvegið. 750 ml af Tópasi fóru á svona 10 mín. Freyðivínsflaska drukkin af stút o.s.frv. Endaði í gítarpartíi hjá Freysa og svo heim með morgunstrætó bara.

Semsagt. Gott.

Nokkrar staðreyndir:

• Basshunter er ekki cool
• Ég á ekki heima á Gullmarsplan
• Biggi var í Verzló
  
• Fólk sem talar í myndlíkingum ætti að sápa á mér klofið

Ljóð:

Einu vil ég gera skil
um eðli sveina og snóta.
Ástin byrjar ofantil
en endar á milli fóta.

Hugleiðing dagsins: Ættu betlarar að ganga með posa?

Totenstille?

Yfir Stokkhólmi er 1013 millibara Beggi frændi sem þokast austur.

Hier geht vor die Wäsche, Cholera - Um einstökunga

Var að þvo þvott. Meðal annars voru nokkur pör af sokkum sem fóru í vélina. Svo fer ég að pikka upp þvottinn, glaður í bragði, þegar veröldin hrynur. Út úr vélinni koma 2-3 pör af sokkum og restin bara einstökungar. ??! Hvað verður um þessa fökking sokka? Ég prófaði að senda póst á KTH Accommodation en þeir vissu ekkert hvað varð um þá. Þá hringdi ég í framleiðanda þvottavélarinnar en þeir voru bara með skæting. Þið vitið, þetta er bara svo mikið högg. Skiljiði?

Fyrir skákmenn

Ætli Björn Þorsteinsson hlusti á Stranglers?

Annað

Annars er ekkert sérstakt að frétta síðan síðast. Dr-death kom í heimsókn til að kíkja á Smashing Pumpkins og detta pínulítið í það. Ljósabekkjadrengurinn úr Ofanleitinu gerði grín að því að við Siggi mættum báðir í bláum skyrtum á tónleikana. Það er víst svipað slæmt og að deila með núlli í Verzló.

Á döfinni er heimsókn frá miklum snillingum yfir Páskana. Gvenni og Suðlaug ásamt Tótenhósen og Bragi Sveinsson eru að koma í ruglið til okkar S&E núna í vikunni (lesist með rödd Tóta úr Íslenska drauminum).

Hugleiðing dagsins: Ef maður deyr úr of stórum skammti af Viagra, hvernig yrði líkkistunni þá lokað?

Sótsvartastjörnumökkun

Jæja, þá er Onsdagspub i kväll - þar sem bjórinn flæðir eins og vín, samkvæmt Bigganum. Þetta er svona hittingur hjá Íslendingunum hérna. Hittumst á bar og fáum okkur bjór og svona af því að það er aldrei skóli á fimmtudögum.

Þetta er bara létt upphitun því að i morron er stefnan tekin á Torsdagspubinn til að fagna því að það er aldrei skóli á föstudögum. Auk þess hefur alltaf verið föller á fimmtudögum - við breytum því ekkert.

Nú svo á föstudag neyðist ég til að fá mér ofurlítið í tánna með Bigga og félögum hans sem eru að koma frá litla steininum þarna í norðri. Þeir virðast líka vera með mjög einbeittan brotavilja og ætla að vera blekaðir allan tímann.

Á laugardag eru tómleikar með Smashing Pumpkins. Verri helmingur hins illa samklofnings Sigsteins kemur líka og gistir í fangarúminu. Þarf að gera honum eitthvað illt. Málið er í nefnd.

Á sunnudaginn tökum við svo pókermót og höldum okkur rökum til að ná mjúkri lendingu á mánudaginn.

Þetta er vinna og aftur vinna.

Hugleiðing dagsins: Hvað er að þessum gaurum?

Svíar

Ljóst hár, stífgreitt aftur, V-hálsmál niður að þind sem afhjúpar vel rakaða bringuna, gallabuxur sem eru þrengri en anusinn á þeim, támjóir skór og trefill. Snus í vörinni.

Hvað getur maður sagt? Í fyrsta tímanum sem ég sótti hérna s.l. haust leið mér eins og ég væri staddur í Dressman auglýsingu. Ekki nema von að flikkurnar hérna séu ringlaðar - engin leið að vita í hvaða liði þessir menn spila. Þannig að þær urðu mjög glaðar að hitta fyrir Íslending með skakka tönn og skalla - stútfullan af estrógeni og með fallegan og heilbrigðan skeggvöxt. Enda þurfti ég að slá þær af mér eins og flugur og vingast við eina Verzlinginn í kúrsinum.

Annars eru allra þjóða kvikindi hérna í skólanum. Mikið af Suður-Evrópubúum, Þjóðverjum og kúkafrökkum og töluvert af Asíubúum. Svíarnir eru þó mest pirrandi. Sífelldar raðir úti um allt, ekki hægt að kaupa bjór í matvöruverslunum, ekki til Cheerios né Cocoa Puffs og þeir kunna ekki að búa til hamborgara. Fóvetar.

Annars er bara fínt hérna. Sérstaklega finnst mér fólkið hérna vingjarnlegt og skemmtilegt og maturinn er alveg frábær.

Hugleiðing dagsins: Ef maður kyrkir strump, hvernig væri hann þá á litinn?

Á maður ekkert að fá að ríða hérna?

Jæja, er ekki best að sjá hvernig gengur að blogga pínulítið?

Annars veit ég ekkert hvað ég á að blogga um. Það gerist eiginlega ekki dick hérna. Fyrir áramót gerðist eftirfarandi:

• Mætti í holuna sem ég bý í hérna í lok ágúst. Ekkert rúm. Fór rakleiðis og keypti dulítinn bjór og svaf á gólfinu.
• Sofnaði á Gullmarsplan í tvo klukkutíma um miðja nótt.
• Fór í sumarbústaðaferð í Osqvik og drakk Bigga undir borðið (reyndar drukku allir hann undir borðið).
• Klofnaði á Kasper í Sigstein ásamt Sigga. Auk þess skutum við okkur í fótinn í lestinni, mökkaðir, með því að spjalla saman um allskonar ógeðslega hluti á íslensku fyrir framan íslenska stelpu. Reyndum að redda okkur út úr því með því að spyrja hana hvernig henni gengi í lögfræðinni. Við höldum að það hafi ekki gengið.
• Sigldi til Riga ásamt nokkrum Íslendingum. Sáum meira af barnum en borginni.
  

Eftir áramót hefur þetta gerst:

• Fór á EM í handbolta í Þrándheimi í janúar ásamt nokkrum fársjúkum einstaklingum. Mjög skemmtileg ferð - íslensku strákarnir stimpluðu sig rækilega inn og sýndu okkur hvernig á ekki að spila handbolta. Áfram Ísland, meira af þessu! Annars bar það helst til tíðinda í þessari ferð að Biggi gat ekki lært textann við Kyrrlátt kvöld. Raunar náði hann bara fyrstu þremur orðunum réttum, sem er kannski ekki svo slæmt ef litið er til þess að mönnum er ekki kennt að lesa í Verzló. Myndir.
  
• Fór aftur í sumarbústaðaferð í Osqvik. Prýðileg ferð.
• Sigrún og Erling og Co. fluttu hingað. Alger snilld.

Auk þess hefur maður aðeins kíkt á djammið hérna, helst á miðvikudögum, fimmtudögum, föstudögum og laugardögum en annars bara rólegur.

Svo var gamli og góði síminn minn að gefa upp öndina. Keypti mér nýjan sem er mun flottari. Hann kemur með handfrjálsum búnaði og pussy magnet þannig að við Haukur þurfum ekki að örvænta fyrir næstu veiðiferð.

Látum þetta duga í bili. Héðan í frá verður þetta blogg líklega bara eitthvað bull sem fáir skilja.

Hugleiðing dagsins: Til hvers voru Kamikaze flugmenn með hjálma?